Sa Kada Takmu, Gugma

Click Images to Enlarge
Mga siyam ka napulo kag pito (97) ka mga nanay ang nagtambong kag nag entra sa ginhiwat nga "Sa Kada Takmu, Gugma!" nga sangka synchronized breastfeeding activity ukon dururungan nga pagpasuso.

Ang dya nga kahiwatan ang gintigayon kang pamunuan lokal kang banwa kang Bugasong paagi sa pagpaninguha kang Rural Health Unit kag sa pagpakigbuylog kang Kalipunan ng Liping Pilipina - Nasyonal - Bugasong Chapter (Kalipi-Nasyonal) sa idalum kang pagpanguna ni Hon. Jennifer Rose Alarcon Tatoy, SB Member, Chairman on Health.


Ang dururungan nga pagpasuso kang mga nanay sa anda mga bata ang ginbansagan nga "Sa Kada Takmu, Gugma!" ang gintinguhaan nga matigayon para ipamaan sa mga ginikanan nga ang pagpasuso kang bata ang may bahol nga bulig para sa ikamayad kang lawas kang mga dya hasta sa anda pagbahul.

Dya tanan ang ginpaathag kang mga dinapit nga bisita nga amo sanday Sophia Suetado kag Breastfeeding Ilongga Advocate nga si Adhara Alcudia Sebuado.

Random Video Shots: Nagtambong man sa nasambitan nga okasyon si Acting Municipal Mayor, Engr. Renante S. Dava kon sa diin dya ang nagpasiguro kang ana suporta sa nasambitan nga tinutuyo kang Rural Health Unit kang Bugasong kag dya ang pagatugruan kang nagakaigo nga pondo paagi sa pagrepresentar ni Hon. Tatoy sa Konseho Munisipal kang Bugasong.

---

Other posts

• Community Fish Landing Center sa Brgy. Jinalinan, Padayon nga Ginaobra
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan