Community Fish Landing Center sa Brgy. Jinalinan, Padayon nga Ginaobra

Click Images to Enlarge
Ang Community Fish Landing Center (CFLC) sa Barangay Jinalinan, Bugasong, Antique ang padayon nga gina-obra.

Ang nasambitan nga istruktura ang ginpasad ukon ginpatindug para magpatigayon kang parangabuhian sa sangka lugar nga may duro nga rehistrado nga populasyon kang mga mangingisda. Dya nga lihuk ang sa idalum kang programa kang Bureau of Fisheries and Aquatic Resources (BFAR) nga TARGET ukon Targeted Actions to Reduce Poverty and Generate Economic Transformation sa patag kang pagpangisda.

Click Images to Enlarge

Ang CFLC o Community Fish Landing Center ang mangin lugar kag sentro kang parangabuhian kang mga magagmay kag ragkul nga mangingisda sa baybayon nga bahin kang banwa kang Bugasong kag mangin lugar man para sa pag-ugwad kang mga kinaadman kang nasambitan nga sektor bilang anda training center.

Suno sa pira ka mga impormasyon, ang Philippine Coast Guard ang naghingyo nga sanda pagatugruan kang gamay nga pwesto sa nasambitan nga building para anda mangin temporaryo nga opisina rugya sa sentro nga bahin kang probinsya kag dya ang ginpalab-ot ron sa munisipyo para pagatun-an ka mayad.

---

Other posts

• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan