Biktima kang Landslide, Nakabaton Suporta-Pinansyal

Biktima kang Landslide, Nakabaton Suporta-Pinansyal

Click Images to Enlarge
Sangka balay sa Barangay Ilauod, Bugasong, Antique ang natiphag katong nagligad nga Martes kang gabii, Agosto 6, 2019.

Suno sa tag-iya kang balay nga si Mr. Ernie Amedo, 52 anyos ang edad, ang ana kadya balay nga marapit sa pangpang ang nadara sa pagtiphag kang lupa samtang nagabunuk ang mabaskug nga uran dara kang bagyo nga si Hanna.

Click Images to Enlarge
Photo Credit: Leoneil Martin Vicedo Monteroso

Ang dya nga insidente ang ginpalab-ot sa igtalupangud ni Acting Municipal Mayor Renante S. Dava pinaagi sa opisina ni Mr. Neil Bangcaya, Municipal Disaster Risk Reduction Management Officer kang banwa kang Bugasong, kag dya ang gintugruan kang nagakaigo nga suporta kang nasambitan nga departamento pinaagi sa pagtigana kang pondo para sa nalisdan.

Ang kwarta nga may kantidad nga napulo ka libo (10,000) ka Pesos ang ginbaton ni Mr. Amedo sa opisina ni Acting Mayor Dava, hapon kang Agosto 9, kadya nga tuig.

Sa mas temprano pa sa amo man nga adlaw, ang opisina kang Acting Mayor kang banwa kang Bugasong ang nagtugro man kang tag napulo ka libo ka Pesos sa darwa ka pamilya kang Sitio Villasis kang Barangay Tagudtud North, Bugasong nga nabiktima kang mabaskug nga buhawi.

9 Aug 2019


HIT LIKE!

WELCOME

CATEGORIES

Flag Counter

SUBSCRIBE!

BUGASONG ONLINE







FACEBOOK PAGE

This website was built using N.nu - try it yourself for free.    (Click here to renew the premium)(info & kontakt)