Probinsya kang Antique, Ginpaidalum sa State of Calamity

Suno sa Resolution No. 4 kang Provincial Disaster Risk Reduction Management Council (PDRRMC), ang Sangguniang Panlalawigan ang nagpasar kang sangka Resolusyon nga nagadeklarar kang probinsya kang Antique sa idalum kang "State of Calamity".

Ang hambal kang PDRRMC, ang probinsya ang nag-antos kang pagkakulang sa tubig dara kang El Niño Phenomenon base man sa mga reports nga ginpadangat kang pira ka mga talatapan nasyonal, lokal kag kang Department of Science and Technology sa sangka meeting nga ginpatigayon kag dya ang nagtulod sa mga myembro kang Sangguniang Panlalawigan nga magpasar kag mag-aprobar kang resolusyon nga nagapaidalum sa bilog nga probinsya sa estado kang kalamidad.


Ang kuon sa nasambitan nga report, ang bilog nga probinsya ang naapektuhan kang marapit sa 50 milyones tungud sa kakulangan kang tubig sa mga kataramnanan kag mga kinahanglanon sa mga panimalay.

Sa naman-an, kon may darwa o kon masobra pa nga mga kabanwahan ang apektado kang kalamidad, ang gobyerno probinsyal ang pwede makadeklarar sa pagpaidalum kang bilog nga probinsya sa estado kang kalamidad, kag suno sa report, may apat ka kabanwahanan ang nagdeklarar nga tanda apektado kag dya ang nagtulod sa sangka myembro kang Junta Provincial nga mag-mosyon para sa pagpasar kang amo nga resolusyon kag dya ang ginkasugtan kang bilog nga konseho.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan