Presidente Duterte nagpirma kang "First Time Job Seekers Assistance Act"

(Images via @joycebalancio)

President Duterte ang nagpirma kang layi nga nagalibre sa mga bag-o nakatapos kang kurso sa mga baraydanan sa pira ka mga dokumento nga kinahanglan angut sa pagpangita kang obra.

Ang Republic Act 11261 o ang "First Time Job Seekers Assistance Act" nga ginbalay ni Senador Joel Villanueva ang ginpirmahan ni Presidente Duterte katong April 10, 2019.

Suno sa nasambitan nga layi, ang mga bag-o lang nakatapos sa pag-eskwela sa kolehiyo nga nagapangita kang obra ang pwede makapangayo kang mga 'identification documents' kag mga 'clearances' nga ginpangayo sa mga opisina kang gobyerno nga libre sa mga baraydanan.


Dya nagasakup kang Barangay Clearance kag Police Clearance, Medical Certificates halin sa mga klinika o hospital kang gobyerno, NBI Certificate, Birth kag/o kon Marriage Certificates, Tax Identification Number (TIN) kag ang Unified Multi-Purpose ID (UMID) Card, nga pira lang ka mga ginapangita nga dokumento kang mga ginaaplayan nga establisimyento.

Ugaring, kinahanglan kang aplikante nga magpasa kang Barangay Certification kon sa diin dya nagapamatuod nga tana una pa lang nga nagapangita kang obra.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan