Mga Pagsurundan sa Husto nga Pagboto

Sa rum-an ron ang pagpili kang mga kandidato nga magadumara kang atun nasyon, probinsya kag kabanwahanan.

Ang Bugasong Online ang nagbalay kang mga masunod ang pwede natun mabasehan para sa pagboto kang nagakaangay kag may ikasarang nga mga lideres nga amo ang magadara kang renda kang atun nga banwa.

MGA PAGSURUNDAN SA HUSTO NGA PAGBOTO

• Magboto suno sa ginakuon kang imo konsensya.
• Respetuhon ang desisyon kang iba kon sin-o ang anda ginpili nga kandidato.
• Kilalahun ang pagkataho, ikasarang kag kinaiya kang mga kandidato nga nagapadalagan.
• Usisaa ang mga isyu, plataporma kag programa kang mga kandidato nga nagapadalagan sa kadya nga eleksyon.
• Hindi pag-ibaligya ang inyo hamili nga boto.

• Hindi pagbotoha ang kandidato nga nagagamit kang armas, malain nga taho kag manggad (3 Gs, guns, goons and gold).
• Hindi pagbotoha ang kandidato nga may rekord kang anomalya kag pagpangurakot.
• Hindi pagbotoha ang kandidato tungod lamang sa utang nga kabaraslan, popularidad o kon pag-amigohay.
• Hindi pagbotoha ang kandidato nga imoral kag duro nga mga bisyo sa kabuhi.
• Ibutang gid sa pinsar una sa tanan ang kaaraydan kang banwa sa pagpili kang kandidato nga imo botohon.

Magboto kang ensakto kag may pag-ulikid sa banwang natawhan.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan