Bugasongnon, Kaimaw nga Napatay sa Helicopter Crash

(Photo by Manny Balbin)

Sangka Bugasongnon ang kaimaw nga napatay kang Huwebes, Abril 25, 2019 sa sangka aksidente nga natabo sa Anilao, Malolos, Bulacan.

Ang atun kasimanwa amo si Wilfran Esteban, Sr. kang Barangay Ilaures, Bugasong, Antique nga driver-bodyguard kang sangka negosyante nga si Liberato "Levy" P. Laus, 68 anyos, kang Central Luzon. Kaimaw man sa mga napatay amo ang piloto kang helikopter nga si Captain Eder Coronel.


Ang nasambitan nga sarakyan nga may body number RP C8098 ang ginapanag-iyahan kang Laus Group of Companies (LGC) sa idalum kang pagdumarahan kang napatay nga negosyante nga si Laus. Dya ang nadisgrasya siyam ka oras ang naligad pagkatapos maglupad halin sa NAIA General Aviation Hangar kag ang anda destinasyon amo ang San Fernando, Pampanga pero dya ang nadisgrasya kang mga mas o menos 12:30 sa hapon kag nagtupa sa sangka punungan sa Anilao, Malolos, Bulacan sa wara pa maman-an nga rason.

Ang tatlo ang gindara sa sangka hospital pero si Laus kag ang piloto ang gindeklarar kang mga doktor nga napatay kang nag-abot (dead on arrival) sa ospital pero ang atun kasimanwa ang napatay samtang ginapadapatan kang nagakaigo nga pagbulong sa emergency room.

Other posts

• Community Fish Landing Center sa Brgy. Jinalinan, Padayon nga Ginaobra
• Sa Kada Takmu, Gugma
• Biktima kang Landslide, Nakabaton Suporta-Pinansyal
• Biktima kang Buhawi sa Sitio Villasis, Nakabaton kang Bulig Pinansyal
• Agosto 12, Gindeklarar kang Presidente nga Regular Holiday
• Panay FM Radio Stations
• Smoke-Free Task Force naghinun-anun para sa sangka Smoke-Free Bugasong
• VIRAL! Maestro, Ginsorpresa kang ana mga Estudyante.
• Mga Supporters ni Mayor John Lloyd Pacete, Nag-Prayer Rally
• Kasadyahan sa Tindahan